Setomaa luudus om väiga’ rikas ja kirriv. Luhamaa ja Meremäe vaihõl om hulga mäki, kõgõ inäbä Luhamaa nulgah Tserebi külä lähkoh, mia kõlbas höste rattamatkajilõ. Huvtava’ kotusõ’ omma’ ka’ Piusa iju man, koh saat viimatku tetä’, ku vett veidebä, sis k´avvu’ ijuveere matkarata piteh. Setomaa kõgõ suurõp kaitsõala – Mustuja maastigukaitsõala – pakk hulga võimaluisi luudusõh jalotamisõ jaost: olõmah omma’ matkaraa’ nii jala- ku ka’ rattamatkaratu pääl, ja muidogi’ või mõtsah niisamata k´avvu’. Verska puul om hulga tervüseratu, mia’ talvõl omma’ valgustõt suusaraa’. Ja Pihkva järv: järvel saat kalla püüdä’, Setoline’i laivaga’ lõbusõitu tetä’, a talvitsõl aol kõrraldadas ijä pääl toukõkelgumatku.